يا نعيس
والمرجله ما جات ببلاش يا نعيس
بالصعاب واتعاب طويل مداها
أخذت مع طرق العزاير مرا ويس
وجرعت علقم مرها مع
حلاها
يا ماسهرنا وسهرنا الهواجيس
يوم القلوب الغافلة في لها ها
ويا ماسرينا والمخاليق نعيس
لين اعتلت شمس الضحى في سماها
ويا ما نخوض بغبه قبل لا نقيس
ما همنا غالي الحياة وسواها
وياما قنصنا في الحرار القرانيس
ما هي تبوع خاسر من غزاها
وياما جلسنا في رفيع المجاليس
اللي رفيع بالملأ مستواها
ماني بجالس جمع الأنذال والهيس
الذل فيها والرداء بجلساها
عن الحساني كالثعالب ملاهيس
يغرق نسيم خشومها نطف ماها
اما على السيات
ربع فواريس
تسبق على السيات
داعٍ دعاها
و بنو لها صرح رفيع المتاريس
تأسس على الباطل ويرفع نباها
وزد العدود ولا نرد رس ورسيس
نرد العدود الي ضمان رواها
تعليقات
إرسال تعليق